Zure lanak berekin dakar ustekabeko arazoak zuk zeuk konpontzea?
GIPUZKOA
Enpresetan arazoak konpontzeari buruzko pertzepzioa hobetzen da
Zertxobait hobetu da arazoak konpontzeko lehia hori EAEn, batez ere Gipuzkoan, gero eta gehiago eskatzen baita lan-merkatuan. Zehazki, 2013an hala adierazi zuten pertsonen %64,5 izatetik (%65,3 Gipuzkoan) 2016an %66,3 izatera igaro dira (%71,1 Gipuzkoan). Nolanahi ere, oso urrun daude EB osoko langileen balorazioetatik (batez beste, %83), baita rankingaren buruan dauden herrialdeetatik ere, hala nola Suediatik (%96) edo Danimarkatik (%93). Izan ere, balorazio apalenak dituzten herrialdeen taldean geratuko litzateke.
Baietz erantzun duten langileen ehunekoaren bilakaera. Ustekabeko arazoak konpontzea. EAE, Lurralde Historikoa eta EB alderatzea. 2013 eta 2016
Iturria: ECT (2013 eta 2016) eta EWCS (2010, 2015 -EB-)
Desberdintasuna lanpostuan ustekabeko arazoak konpontzean
Arazoak konpontzeko gaitasun horri dagokionez, portzentajezko 5 puntu baino gehiago daude emakumeen eta gizonen artean, EBko herrialde askotan ikusten den desberdintasun-joerarekin bat etorriz.
Gipuzkoan lanean ustekabeko arazoak konpontzen dituztela uste duten langileen ehunekoa, sexuaren arabera. 2016
Iturria: ECT (2016)
Arazoak konpontzea adineko langileen esku neurri handiagoan
Ziurrenik, 50 urteko eta gehiagoko pertsonek lan-esperientzia handiagoa dutenez, gehienek ustekabeko arazoak konpondu behar izaten dituzte. Hala diote ikerketan parte hartu duten 10etik 8 inguruk. 35 urtetik beherako langileekiko aldea nabarmena da, ehuneko 15 puntuko aldea, gutxi gorabehera.
Gipuzkoan lanean ustekabeko arazoak konpontzen dituztela uste duten langileen ehunekoa, adin-taldeen arabera. 2016
Iturria: ECT (2016)
Kontratu motaren araberako balorazioak ere oso desberdinak dira.
Autonomoak dira, alde handiz, beren jarduerak sortzen dituen ustekabeko arazoak konpondu behar dituztenak, eta, ondoren, kontraturik gabeko edo kontratu mugagabea duten pertsonak.
Gipuzkoan lanean arazoak konpontzen dituzten langileen ehunekoa, kontratu motaren arabera. 2016
Iturria: ECT (2016)
Emaitza oso desberdinak eskualdeka
Eskualdeen araberako emaitzen arteko aldeak bereziki deigarriak dira. Batez bestekoari dagokionez, Deba Behea aldea nabarmena da (%50,6), ehuneko 20 puntu baino gehiagoko aldearekin. Neurri txikiagoan, alde nabarmenarekin bada ere, Goierri/Tolosaldea (%63,8) dago, Gipuzkoako batez bestekoa (%71,1) baino 7 puntu baxuagoarekin. Aldiz, Deba Garaia (%81,8) Gipuzkoako eta, oro har, Euskadiko batez bestekoaren gainetik dago, eta Europako batez bestekora hurbiltzen ari da.
Gaitasuna: arazoak konpontzea. Emaitzak Gipuzkoan, eskualdeka. 2016
