LAN-METODOA

Pertsonen autonomia txikiagoa Gipuzkoako lan-metodoa aukeratzeko edo aldatzeko orduan.

Gipuzkoako enpresetan lan-metodoak aldatzeko aukera txikiagoa ikusten da (%51), baita EAEko eta EB28ko herrialdeen batez bestekoaren azpitik (%53 eta %69, hurrenez hurren). Eta, jakina, nabarmen urruntzen da Europako rankingaren buruan dauden herrialdeetatik, hala nola Norvegia (%84), Danimarka edo Suedia (biak%83).

Lan-metodoa aldatzeko aukera duten langileen ehunekoaren bilakaera. EAE, Lurralde Historikoa eta EB alderatzea. 2013-2016

Iturria: ECT (2013, 2016) eta EWCS (2010, 2015 -UE-)

Oso modu arinean bada ere, Gipuzkoako enpresetako emakumeek autonomia handiagoa dute lan metodoak aldatzeko.

Adierazle horri dagokionez, eta aztertutako beste dimentsio batzuetan ez bezala, emakumeak (%52) portzentajezko 2 puntu gorago daude gizonekin alderatuta (%50).

Gipuzkoan lan-metodoa aldatzeko aukera duten langileen ehunekoa, sexuaren arabera. 2013-2016

Iturria: ECT (2013, 2016)

EBko herrialdeen joeraren ildotik, Gipuzkoako enpresetan adin handieneko plantillek neurri handiagoan alda ditzakete lan-metodoak adin txikiagokoek baino.

Adinaren araberako autonomiaren alde horrek Europako joera bera jarraitzen badu ere, emaitzak kontrastatzean egoerak nabarmen aldatzen dira:

• EB28ko herrialdeetan 35 urtetik beherako langileen%66k lan-metodoa aldatzeko aukera dute; Gipuzkoan, %42k baino ez.
• 50 urte edo gehiagoko pertsonei dagokienez, %73k dute aukera hori EB28n; Gipuzkoan, berriz, %53k.

Gipuzkoan lan-metodoa aldatzeko aukera duten langileen ehunekoa, adin-taldeen arabera. 2016

Iturria: ECT (2016)

Autonomoak, autonomia handiagoa lan-metodoak aldatzeko.

10 autonomotatik ia 8k dute aukera hori, eta emaitza horiek oso urrun daude aldi baterako kontratuak (%42,8) edo mugagabeak (%49,2) dituzten pertsonek eskaintzen dituztenetatik.

Gipuzkoan lan-metodoa aldatzeko aukera duten langileen ehunekoa, kontratu motaren arabera. 2016

Iturria: ECT (2016)

Adierazgarriak dira eskualdeen arteko aldeak, lan-metodoak aldatzeko aukerari dagokionez.

Deba Behea (%56,2) eta Deba Garaia (%54,2) dira adierazle horretan Gipuzkoako enpresen batez bestekoa (%53) pixka bat gainditzen duten bi eskualdeak.

Lan metodoa aldatzeko aukera. Emaitzak Gipuzkoan, eskualdeka. 2016