Aholkularitza instituzionala

Lan-, enplegu- eta gizarteratze-merkatua

Enpleguaren bilakaera eta prestakuntza-beharrak aztertzen ditugu, baita haren formulazio estrategikoa ere, politikek eta programek lan-merkatuan duten eragina ebaluatuz. Merkatuko joerak identifikatzen ditugu, kualifikazio-arrakalak detektatzen ditugu eta erakunde eta enpresen plangintza estrategikorako funtsezko informazioa ematen dugu.

Merkataritza Banaketa eta Hiri Ekonomia

Hiriguneko Merkataritza-dinamizazioa eta hirugarren sektorearen modernizazioa bultzatzen ditugu, eta, horretarako, tokiko saltoki txikiak eta negozioak balioan jartzen ditugu, hazkunde iraunkorra eta lehiakortasuna sustatzeko estrategia berritzaileen bidez; horrez gain, merkatu-azterketak, analisi diagnostikoak eta formulazio estrategikoak garatzen ditugu. Hainbat mailatara egokitutako irtenbideen bidez lan egiten dugu, eskualdeko plan estrategikoetatik hasi eta tokiko esku-hartzeetaraino, betiere Merkataritza-sarea indartu eta haren iraunkortasuna bermatzeko.

Turismoa eta Helmugako estrategiak

Turismoaren arloan laguntza tekniko espezializatua eskaintzen dugu. Analisi diagnostikoa eta formulazio estrategikoa egiten ditugu helmuga turistikoen lehiakortasuna sustatuko duten estrategiak diseinatzeko (hainbat mailatako helmugak: tokikoak, eskualdekoak, lurraldekoak, autonomikoak…). Tokiko eta eskualdeko erakundeekin elkarlanean aritzen gara plan estrategikoak garatzeko, baliabide propioen integrazioa eta baliozkotzea sustatzeko, tokian tokiko kultura-eskaintzarekin, nortasunarekin, gastronomiarekin, naturarekin eta helmugako plan eta esperientziekin batera, balioa sortuz eta bertako ekonomiari laguntzen dioten bisitariak erakarri asmoz.

Etxebizitza eta Hiri Berroneratzea

Etxebizitza-politika publikoak aztertzeko eta diseinatzeko informazio estatistikoa sortzen erreferenteak gara. Etxebizitza-premiei eta -eskariari buruzko azterlanak, etxebizitza-eskaintzaren analisia, prezio-estatistikak, etxebizitza hutsei buruzko azterlanak eta beste aldagai eta dimentsio batzuk garatzen ditugu, hala nola eraikuntza beharren eta berroneratzeen analisiak.

Inpaktu ekonomiko analisi eta ebaluazioa

Jarduera kultural, kirol ekitaldi eta merkatu edo jarduera zehatzen inpaktu ekonomiko eta soziala ebaluatzen dugu. Ekitaldi edo jarduera horiei lotutako gastua eta lurraldean edo ospakizun-lekuan duten eragina aztertzen dugu. Erabaki estrategikoak hartzea eta etorkizuneko plangintza errazten dituen analisi zorrotz eta fidagarria eskaintzen dugularik.

Landa Garapena eta Jasangarritasuna

Landa-garapen iraunkorra babesten dugu, ingurumena zaindu eta landa-komunitateak balioztatu, merkatuak eta azokak biziberritzen dituzten proiektuetan lagunduz. Ikuspegi integral batekin lan egiten dugu, baliabideen kudeaketa arduratsua, praktika jasangarriak bultzatuz eta tokiko ekonomiak indartzeko barne hartuz, landa-inguruneen epe luzerako bideragarritasuna ziurtatzeko. Tokiko merkatuak indartzeko estrategiak garatzen ditugu, eta arlo honetan diziplina anitzeko proiektuak garatu ditugu.

Berdintasuna

Aukera-berdintasuna sustatzen dugu sektore guztietan, genero-berdintasunari heltzen dioten eta lan-eta gizarte-ingurune inklusiboa sustatzen duten proiektuak garatuz. Genero-arrakalak murriztea eta erakundeak sentsibilizatzea bilatzen duten politiketan lan egiten dugu, gizarte bidezkoagoa eraikitzeko. Genero-ikuspegia ere lantzen dugu gure egunerokotasunean, eta prozesuetan eta proiektuetan txertatzen dugu. Emakunderen Emakumeen eta Gizonen Berdintasunerako Lankidetza Erakundea gara.

Kultura, Gazteria eta Gizarte Ongizatea

Kultura eta ongizate soziala indartzen dituzten ekimenak garatzen ditugu, zerbitzuetarako sarbidea, gazteen garapenerako programak eta komunitatea aberasten duten jarduerak aztertuz eta sustatuz. Gure proiektuek inklusioa, partaidetza aktiboa eta bizikidetza-guneen garapena bultzatzen dute, sare sozial eta kultural sendoagoa eraikitzeko.