Estadística
Etxebizitza
Enplegua eta Lan Merkatua
Azterlan demografikoak eta Gizarte-ongizateari buruzkoak
Enpresa eta ekonomia jarduera
Turismoaren eta gertaeren eraginaren ebaluazioa
Hezkuntza
Etxebizitza
Erreferentziazko enpresa gara etxebizitza-politikak aztertzeko eta diseinatzeko informazio estatistikoa sortzeko. Duela bi hamarkadatik hona, Eusko Jaurlaritzako Etxebizitza Sailarentzat honako hauek garatzen ditugu, besteak beste: etxebizitza-premiei eta -eskariari buruzko azterlan nagusiak, etxebizitza-eskaintzaren azterketa, alokairu-errentei buruzko estatistikak, alokairu-erregimeneko familiei buruzko inkestak, erroldak eta jenderik gabeko etxebizitzei buruzko azterlanak.
Enplegua eta Lan Merkatua
Esperientzia handia dugu lan-merkatuaren, enpleguaren eta prestakuntzaren errealitateari buruzko azterlan estatistikoak egiten, enpresei eta familiei zuzendutako inkesten bidez gauzatuz. Jakintza hori hainbat autonomia-erkidegotan egindako azterlanetan oinarritzen da, eta aukera ematen du pertsonek lan-merkatuari duten egoera modu sendoan aztertzeko eta enpleguaren ezaugarrietan eta kalitatean, lan-baldintzetan, araututako eta arautu gabeko prestakuntzarako sarbidean eta abarretan sakontzeko, ezagutza eta sentsibilitate bereziarekin.
Demografia eta Gizarte Ongizatea
Eustatentzat- Euskal Estatistika Institutua- Euskadin egindako lagin-dimentsio handieneko eragiketa demografikoak gauzatu ditugu, prozesu hauetan milaka etxetan bildu dugu informazioa. Era berean, azterlan demografikoak egiten ditugu bereziki sentikorrak diren gizarte-problematikei buruz, hala nola pobreziari, immigrazioari, 65 urtetik gorako pertsonen artean nahi ez den bakardadeari eta abarri buruz azterketa xehatua eta banakako hurbiltze-metodoak behar dituzten kolektibo eta biztanleriari buruzkoak.
Enpresa eta ekonomia jarduera
Enpresa-ehunari eta haren sektoreei buruzko azterketa estatistikoak eta azterlanak garatzen ditugu. Milaka enpresari buruz egindako lagin estatistikoak aztertzen ditugu, adierazle eta aldagai ekonomikoen eta enpleguaren aniztasuna sakon aztertzeko aukera ematen dutenak. Azterlan horietan askotariko datu, kontu eta aldagai ekonomikoak aztertu eta baliozkotuko ditugu, jarduera-sektore edo enpresa-eremu jakin baten errealitatea aztertzeko aukera ematen duten adierazle sintetikoak sortuz.
Turismoaren eta gertaeren eraginaren ebaluazioa
Euskadiko turismoaren estatistika nagusiei buruzko gure ezagutza espezializatua eskaintzen dugu. Azken 15 urteetan, Ibiltur estatistika garatzen dugu Eusko Jaurlaritzarentzat; bi urtez behin egiten den ikerketa honek turismo-eskaerari buruzko informazio zehatza biltzen du, bisitariei zuzenduriko inkesta-prozesu konplexu nahiz zehatz baten bidez. Era berean, mota eta dimentsio desberdinetako ekitaldien eragin ekonomiko eta soziala aztertzen dugu: adibidez, Donostiako Zinemaldia, Musika Hamabostaldia edo Jazzaldia, baita Grand Départ Pays Basque (Euskadin 2023an) moduko nazioarteko gertakariek izan duten inpaktua ere.
Hezkuntza
Esperientzia egiaztatua dugu hezkuntza-proben aplikazioan eta horien zuzenketan; esaterako, Eusko Jaurlaritzako Hezkuntza Sailak sustatutako Ebaluazio Diagnostikoa edo PISA ebaluazioak gauzatzen ditugu hainbat autonomia-erkidegotan.